АНТИКОРРУПЦИЯ ЛАБОРАТОРИЯСИ
Мақсади: эксперт лабораторияларини ташкил қилиш ва таълим соҳасида республика миқёсида коррупция хавфлари бўйича тадқиқотлар ўтказиш, мактаб таълимида заиф жиҳатларни аниқлаш учун ўтказиладиган тадқиқот ишларига кенг жамоатчиликни жалб қилиш.
Амалга ошириш муддати: 2020 йил декабрь – 2021 йил ноябрь
Кутилаётган натижалар:
- Коррупцияга қарши тадқиқот ўтказиш механизмларини яратиш;
- Коррупцияни олдини олиш ва унга барҳам бериш профилактикаси бўйича ўрганишни ташкиллаштириш, таҳлил қилиш ва тавсиялар ишлаб чиқиш;
- Умумий ўрта таълим соҳасида коррупция хатарларининг кенг қамровли шарҳини қонунчиликка ўзгартиш киритиш, коррупция хатарларини бартараф қилиш ва профилактика бўйича тавсиялар берган ҳолда тайёрлаш;
- Коррупция хатарлари мониторингига жамоатчиликни ва волонтёрларни жалб қилиш;
- Бу каби тадқиқотларни бошқа соҳаларда ҳам ўтказиш учун майдон сифатида лаборатория ишининг узлуксизлигини таъминлаш.
Нима иш қилинди?
- Тадқиқот ўтказиш учун барча ҳудудлардан 114 та мактаб танлаб олинди;
- Учта мақсадли гуруҳ: мактаб директорлари, 1-синф ўқувчиларининг ота-оналари, бошланғич таълим ўқитувчилари учун сўровнома ишлаб чиқилди;
- Дастлабки вазиятли таҳлил тайёрланди;
- 21-24 апрель кунлари Тошкент шаҳридаги иккита мактабда респондентларнинг учта гуруҳи ўртасида пилот сўровлар ўтказилди. 81 нафар респондент, шу жумладан 2 нафар директор, 24 нафар ўқитувчи, 55 нафар ота-она жалб қилинди;
- 22 майдан 10 июнгача Ўзбекистоннинг 14 та ҳудудидаги 114 та мактабда кенг миқёсда сўровлар ўтказилди. Сўров 28 та шаҳар, 31 та туман маркази, 31 та қишлоқ аҳоли пунктини қамраб олди. Жами 4 920 нафар респондент иштирок этди. Улардан 114 нафари – мактаб директори, 1 563 нафари – бошланғич таълим ўқитувчиси, 3 243 нафари – 1-синф ўқувчиларининг ота-оналари;
- Тўпланган маълумотлар тадқиқот якунига қадар тизимлаштирилади.
Якуний ҳисобот билан ушбу ҳаволада танишиш мумкин: https://yumh.uz/images/news/design_uz.pdf
Тадқиқотлар давом этмоқда...
2022 йилда "Ўзбекистонда биринчи коррупцияга қарши курашиш лабораторияси" лойиҳасининг давоми сифатида "Мактабгача таълим соҳасида давлат-хусусий шерикликнинг иқтисодий ва институционал самарадорлигини ўрганиш" бўйича тадқиқот бошланди.
Лойиҳа Коррупцияга қарши курашиш агентлиги ҳамда “Минтақавий мулоқот” халқаро нодавлат ташкилоти ҳамкорлигида амалга оширилмоқда